الكاتب: عصام يوسف
تاريخ الإصدار: 2008 - الدار المصرية اللبنانية
نبذة:
رواية "ربع جرام" من الأدب الاجتماعى الذى يتخلل –بعمق- ذلك النسيج المجتمعى للفترة التى تمثلها الرواية , وتتبنى مشكلة إدمان المخدرات باعتبارها ظاهرة حياتية من أهم المشكلات التى تعانى منها كافة المجتمعات الإنسانية وترسم طريق الحل والخلاص ولا يأتى ذلك فى سياق موعظة وحكمة مباشرة, وإنما من خلال لغة أدبية رشيقة ,ترسم أدق المشاعر وأكثرها خصوصية وتحس بأن شخوصها أناس يحيون بيننا, نتعاطف معهم ونحاسبهم ونحاول أن نصل بهم إلى بر الأمان.
شدتني بداية القصة وحافذتني على إن أكملها وطول الوقت كنت هاموت وأعرف نهايتها إيه, لدرجة إني خلصت الكتاب ده في يومين بالرغم من إنه ماكنش صغير أوي (645 ص!). وأنا بقترح إنه لو معجبتكوش من الأول, تدوا القصة فرصة عشان تسخن. ولكن الكتاب كله كان مليان بأحداث ومواقف, منها الغريب والإنساني ومعاني جميلة وحجات تانية كتير. ورغم إن القصة كانت في زمن قبل بتعنا بشوية, مش أوي يعني, بس مثلا ما كنش في موبيلات لسه والجنيه والربع جنيه كان لسه ليهم قيمة والأغاني بردوه غير شويه, ولكن أنا لاحظت ده في أول الكتاب بس ولما دخلت في القصة شوية مافرقتش خالص.
وكانت القصة كلها بتدور حول صلاح وقصته مع الإدمان,إذاي بدأت ومن إمتى, من أول طفولة صلاح والناس إللي عرفهم ورحلته مع الأدمان وحياته كلها لحد ما كبر وإتعافى الحمد لله, وكل حاجة بمعنى كل حاجة. وفي رأيي, القصة كانت مكتوبة حلو وقدر الأستاذ عصام يوسف إنه يصور وينقلنا الأحداث ببراعة وإن كثرت التفاصيل, والشخصيات كمان كانت مكتوبة على نحو محترف. وبما إن الكتاب مكتوب من وجهة نظر صلاح, ده كان أحسن بمليون مرة من إنه كان يتكتب من وجهة نظر ثالثة! وعموما الكتاب كانت سهلة قراءته أوي وكان مزيج من اللغة المصرية العامية والعربية الفسحة شوية.
كان في تفاصيل بالهبل ومع إنها كانت مملة في بعض الأحيان بس باردو ساعدتني أتصور القصة وأحدثها وأفهم شخصياتها كويس أوي ومحستش بمشكلة ولكن في ناس ممكن تشوف كل التفاصيل دي ملهاش لازمة وققللت من إستمتعهم بالقصة أو كده. بس شخصيا, كونت بجد حاسة إني جوه الكتاب من كتر إندماجي في القصة, مع صلاح في كل المواقف إلي عادت عليه ومصايبه. حصل (connection) قوية بيني وبين معظم شخصيات الرواية وأهمهم كان صلاح وحسيت بي في معظم الأحيان, في أوقات إستغربته وفي أوقات ثانية إحترامته وتعاطفت معاه. كمان أهله, حست بقهرتهم عليه وحبهم. من الآخر, القصة دي دخلتني في عالم تاني خالص, فكانت تجربة غريبة بالنسبة لي بس كانت في نفس الوقت ممتعة ومشوقة ومش سهل تتنسي بسرعة.
وبالنسبة لي, أهم درس إتعلمته كان حسن إختيار الصديق وأعتقد إنه حاجة أقرب ما يكون لل"Deal Breaker" في حياة الإنسان وده كان واضح وضوح الشمس في الكتاب وكان أصحاب صلاح والناس إلي بيقضي أكتر وقته معاهم ذو أقوى تأثير عليه وعلى تصرفاته ومن الاسباب الرئيسية لإدمانه وبردوه أصحابه الكويسين إللي اتعرف عليهم بعدين كانوا هم سنده في طريقه للشفاء.
ولما تشوف تحول شخصية صلاح على مدار ال645 صفحة تقول "ياه!!! دا إه دا؟!". مر صلاح بمراحل كتير أوي في حياته وشوفت من خلال القصة جوانب كتير لشخصيته وعرف وقابل كمية ناس رهيبة. ولما ببص ورا على إللي قراءته بقول مش معقول يكونوا دول كلهم نفس الشخص!
أنا ماكونتش قدرة أصدق إللي كونت بقراءه طول الكتاب وكون القصة دي حقيقية خلاني في حالة ذهول معظم الوقت وأفكر في كل حاجة واستعجب. وأنا بجد بحترم إن صلاح وافق انه يعرض قصة حياته للناس عشان ينقل رسالة. وأنا كنت مبسوطة أوي بنهاية الكتاب وإستمتعت بقراءتها جدا. حقيقي. وكنت أنا كمان فخورة بصلاح اوي. فبصراحة كانت قصة جامدة وتستاهل وأنصكوا بجد تقرؤها. هي قصة عامة, يعني مش لفئة محددة من الناس, بتنقل رسالة معينة وبتناقش مشكلة خطيرة.
...مريم
كان في تفاصيل بالهبل ومع إنها كانت مملة في بعض الأحيان بس باردو ساعدتني أتصور القصة وأحدثها وأفهم شخصياتها كويس أوي ومحستش بمشكلة ولكن في ناس ممكن تشوف كل التفاصيل دي ملهاش لازمة وققللت من إستمتعهم بالقصة أو كده. بس شخصيا, كونت بجد حاسة إني جوه الكتاب من كتر إندماجي في القصة, مع صلاح في كل المواقف إلي عادت عليه ومصايبه. حصل (connection) قوية بيني وبين معظم شخصيات الرواية وأهمهم كان صلاح وحسيت بي في معظم الأحيان, في أوقات إستغربته وفي أوقات ثانية إحترامته وتعاطفت معاه. كمان أهله, حست بقهرتهم عليه وحبهم. من الآخر, القصة دي دخلتني في عالم تاني خالص, فكانت تجربة غريبة بالنسبة لي بس كانت في نفس الوقت ممتعة ومشوقة ومش سهل تتنسي بسرعة.
وبالنسبة لي, أهم درس إتعلمته كان حسن إختيار الصديق وأعتقد إنه حاجة أقرب ما يكون لل"Deal Breaker" في حياة الإنسان وده كان واضح وضوح الشمس في الكتاب وكان أصحاب صلاح والناس إلي بيقضي أكتر وقته معاهم ذو أقوى تأثير عليه وعلى تصرفاته ومن الاسباب الرئيسية لإدمانه وبردوه أصحابه الكويسين إللي اتعرف عليهم بعدين كانوا هم سنده في طريقه للشفاء.
ولما تشوف تحول شخصية صلاح على مدار ال645 صفحة تقول "ياه!!! دا إه دا؟!". مر صلاح بمراحل كتير أوي في حياته وشوفت من خلال القصة جوانب كتير لشخصيته وعرف وقابل كمية ناس رهيبة. ولما ببص ورا على إللي قراءته بقول مش معقول يكونوا دول كلهم نفس الشخص!
...مريم
ليست هناك تعليقات:
إرسال تعليق